Kulturelle Beiträge | Jahrbuch 2003

Daut Tjrietz enne Wildnis
Rodney Harder, 6. Kurs, Colegio Secundario Loma Plata

Maun schreef daut Joha 1921
Aus maun em Chaco sach dee eschte Mennonite.
Se were de eschte witte Mensche en disem Laund.
Daut waut eant hia bejeajend, kunne see nich bejriepe.
Brüne Mensche - dee jreene Hall, aules wea onbekaunt.

Aus Teatjen, daut see were bott hia jekome,
Honge see een Tjriez aum Urunde´y.
Doa bowe ha wie eene Enschreft jefunge.
Jeschrewe steiht doa: XX-V-XXI.
Dit wea daut Dotem woa de eschte Mennonite em Chaco jedrunge.

Dit Tjriez hant lota dee Fernheima vom Boom jenohme,
gaunz sorjfältig habe see daut oppbewoaht.
Bot daut 50 johasche Jubiläum von'e Menno-Kolonie jekome,
dann word daut Tjriez ewa dee Wastjrenz tridjekoat.
Dit Jeschentj wea ons wetvolla aus aullahaund hochbeenschet Jeschrie.

Vondoag wann wie länjst de Hauptgaus foahre,
seh wi bim Museum een Tjriez aunjeschloage.
Vel to weinig es daut, waut wie ons bewusst woare,
Daut wie unja dit Tjriez habe vele Pioniere too bekloage.
Oppausse sull wie, daut wie dit Eben-Ezer nich vedoawe.

Zurück zum Inhaltsverzeichnis
Weiter zum nächsten Beitrag: Uwe Friesen: Jaguasch en aundere Tiere